"Финполдун" кызматкерлери кармалган жана уурдалган 7 миллион сомдон ашык акчаны мамлекетке кайтарып беришти
УКМКнын маалыматы боюнча, мамлекетке 9 миллион сомдон ашуун зыян келтирилген
Ошентип, Чалдыбар-Автожол көзөмөл өткөрүү пунктундагы Мамлекеттик чек ара кызматынын аскер кызматкерлери 2020-жылдын июль айында өлкөдөн 75 кычкылтек концентраторлорун, ошондой эле акциздик маркалары жок тамеки буюмдарын мыйзамсыз экспорттоо аракетин токтотушкан.
Кармалган жүк Мамлекеттик экономикалык кылмыштарга каршы күрөшүү кызматынын тергөө органдарына өткөрүлүп берилди. Бирок, аныкталгандай, Экономикалык кылмыштарга каршы күрөшүү мамлекеттик кызматынын кызматкерлери андан аркы тергөө учурунда, кызматтык абалынан кыянаттык менен пайдаланып, келтирилген чыгымдын ордун толтурбай, ошондой эле жүктүн бир бөлүгүн, тактап айтканда 27 кычкылтек концентраторун ээлеп алышкан.
Бул факты боюнча сотко чейинки өндүрүш Кыргыз Республикасынын Кылмыш-жаза кодексинин 320-беренесинин 2-бөлүгү (Кызматтык абалынан кыянаттык менен пайдалануу) боюнча КЖБРде катталып, мамлекетке 9 миллион сомдон ашык зыян келтирилген аныкталды.
Мамлекеттин пайдасына сотко чейинки өндүрүштүн алкагында 7 миллион сомдон ашуун өлчөмдөгү зыяндын орду толтурулган.
Учурда ЭККМКтин кызматкерлерине карата жана калган сумманы мамлекетке өз убагында төлөп берүү боюнча тиешелүү тергөө-оперативдик иш-чаралар улантылууда.
УКМКнын пресс-борбору
Фото www