Сыймык Жапыкеев: Финпол калды окшойт. Сабырдуулукка чакырам

Пятница, 05 февраля 2021 09:39

ЭКККМКнын башчысы депутат Жумалиевди кармоо боюнча жүргүзүлгөн УКМКнын ишине жогору баа берди

Экономикалык кылмыштарга каршы күрөшүү мамлекеттик кызматынын (Каржы полициясы) төрагасы Сыймык Жапыкеев парламенттин депутаты Кубанычбек Жумалиевдин кармалышы боюнча комментарий берип жатып, УКМКнын ишин жогору баалады. Бул тууралуу ал Facebook социалдык тармагындагы баракчасына жазды.

“Достор тушунуктуу болсун:

УКМК коррупция жана озгочо оор, чоон мааниге ээ кылмыштарды иликтейт, аны менен курошот, а Финпол экономикалык кылмыштар менен курошот.( Камаш кыйын) Финпол депутатка алыбыз жетпеседа балдарын камаганбыз, бирок алда сот аркылуу чыгып кеткен.

Бугун Жумалиевди АКС басыптыр, бир чети туура болду, УКМКанын мумкунчулугу коп, СИЗОсу да бар, оздору изилдешсин (объективно). Коррупция менен АКС курошот, мыйзам ошондой. (Подследственность)

Достор акыркы кундо мени жамандап ушак чыгаргандар кобойду. Провокацияга алдырбай Тынч эле тура туралык. Жумушка жабышканжокбуз. Бирок Финпол буюрса калчудай. Достор сабырдын тугу Сары алтын. Сабырдуулука чакырам. Мына акчага таянган маал отту, миллиардер "Граф" корона вирустан оттуп кетиптир, ыйманы саламат болсун, Миллиардер Жумалиев кармалды.

Коррупция менен курошу накта башталды. Молодцы УКМК!!!"

деп жыйынтыктады ГСБЭПтин башчысы.

Эске салсак, УКМКнын АКСи парламенттин депутаты Кубанычбек Жумалиевди камакка алган. Кызмат адамы депутат болуп, ошол эле учурда ММУнун ээси болуп туруп, билим берүү жаатындагы мыйзам долбоорлорун лоббизмдөө учурунда өзүнүн таасирин колдонуп, билим берүү ишмердүүлүгүн жүргүзүүгө лицензия мыйзамсыз алгандыгы аныкталды.

Ошол эле учурда, Жумалиев тарабынан өзгөчө ири өлчөмдө мыйзамсыз баюу, кылмыштуу кирешелерди легалдаштыруу жана салык төлөөдөн баш тартуу фактылары аныкталды. АКС тарабынан 78ге жакын кыймылсыз мүлк объектилери жана ар кандай компаниялар, анын ичинде "Таатан", "ГОИН" соода борборлору, билим берүү жана медициналык мекемелер, мейманканалар, пайдалуу кен чыккан жерлер, телерадиокомпания жана металлургиялык завод Эл депутатына, анын жакындарына жана мурда менчиктештирүү жолу менен жеке менчикке өтүп катталган.

Фото www

Бизди Телеграм каналыбыздан окуңуз

Ушул бөлүмдөгү макалалар: « Елизавета II Садыр Жапаровду кызматка киришүүсү менен куттуктады Саясат таануучу Садыр Жапаров Михаил Саакашвилинин планын ишке ашырууга ниеттенип жатат деп эсептейт »

Кабарлар болсо Vesti.kg сайтынын номерине жөнөткүлө +996 (559) 409904

Ой-пикир кошуңуз

Наверх