Улукбек Марипов Беларуссиянын Премьер-министри Роман Головченко менен жолугушту
Жакынкы аралыкта Бишкекте соода-экономикалык кызматташтык боюнча өкмөттөр аралык кыргыз-беларуссиялык комиссиянын жыйыны жана ишкер форуму өтөт
Кыргыз Республикасынын Премьер-министри Улукбек Марипов Евразия өкмөттөр аралык кеңешинин кезектеги жыйынына катышуу үчүн Алматы шаарына жумушчу сапарынын алкагында Беларусь Республикасынын Премьер-министри Роман Головченко менен жолугушту.
Жолугушуу алкагында Өкмөт башчылар ар-кыл тармактагы кыргыз-белорус кызматташтыгынын учурдагы абалын талкуулап, эки өлкөнүн экономикалык потенциалын кеңейтүүгө кызыкдарлыгын билдиришти.
Беларусь Республикасынын Премьер-министри Роман Головченко Улукбек Мариповду Кыргыз Республикасынын Премьер-министри кызматына дайындалышы менен куттуктады жана эл кызыкчылыгын аркалаган ишиндеги ийгиликтерди каалады.
Жолугушуунун жыйынтыгы боюнча Өкмөт башчылар жакынкы арада Бишкек шаарында Соода-экономикалык, илимий-техникалык жана маданий кызматташтык боюнча кыргыз-белорус өкмөттөр аралык биргелешкен комиссиясынын X кеңешмесин жана Ишкер форумун өткөрүүнү макулдашты.
Өкмөттүн маалымат кызматы
Фото www