Президенттин пресс-катчысы: Депутат Строкова өзүн туура эмес алып жүрөт. Анын айыптоосу бизди таң калтырды

Президенттин басма сөз катчысы Галина Байтерек Vesti.kg сайтынын редакциясына парламенттин депутаты Евгения Строкованын Садыр Жапаровдун атынан кадр саясатына кийлигишип жатат деген билдирүүсү боюнча комментарий берди.

Анын айтымында, мамлекеттик "Слово Кыргызстана" гезитинин журналисттери ага бир нече жолу кайрылышып, басылманын мурунку жетекчиси Тамара Слащеваны кайтарып берүү маселесин чечип берүүнү суранышкан.

- Биринчиден, Тамара Слащеваны дайындоо жөнүндө жарлык өкмөттөн чыккан, - деп баса белгиледи Байтерек. - "Слово Кыргызстана" гезитинин жамааты мага 28 кишинин колу коюлган кат менен кайрылышты. Жаңы жетекчи алардын иштешине тоскоол болуп жатат дешти. Биз алардын көйгөйлөрүн уктук, андан кийин мен өкмөттүн басма сөз кызматына жөнөттүм. Мен тараптан колдоо гана көрсөтүлдү.

Байтерек Строковага кырдаалга бир тараптуу мамиле кылбоону жана маалыматты ар тараптуу изилдөөнү сунуш кылды. Анын пикиринде, элдин тандоосу туура эмес маалыматтарды колдонуп, этикага туура келбеген иш-аракеттерди жасады.

"Строкова жалган маалыматтарды колдонуп жатат" дейт Жапаровдун басма сөз катчысы. - Депутат катары ал ушул маселени толук түшүнүп, ар тарапты угуп, анан трибунадан сүйлөш керек болчу. Ал жаман жана этикага сыйбаган иш-аракеттерди жасады. Эгер депутат муну кылса, анда башкалар жөнүндө эмне айтууга болот. Анын билдирүүсү бизди таң калтырды. Кыязы, ал дагы башка суроолорго ушул сыяктуу мамиле кылат.

Эске салсак, парламенттин алдында депутат Евгения Строкова президенттин пресс-катчысы Галина Байтеректи кадр маселесин Садыр Жапаровдун атынан чечип жатат деп айтып, жемелеген.

- Тамара Слащеванын жетекчилиги астында гезит банкротко учурады, - деди элдин тандоосу ЖКнын пленардык жыйынында. - Артем Новиков аны кызматтан алып салган, бирок андан кийин Байтерек келип, президенттин атынан кайтарып берген. Өлкөнү шоферлер кантип башкаргандыгы эсибизде. Садыр Нургожоевич, буга көңүл буруңуз, кадр маселесин өз атыңыздан чечүүгө жол бербеңиз.

Эльдос Казыбеков
Фото www