Милициянын полковниги Нурбек Абдиев КРнын ИИИМ башчысынын орун басары болуп дайындалды

Абдиев Нурбек Такабаевич Кыргыз Республикасынын Ички иштер министрлигинин башчысынын орун басары болуп дайындалды. Бул тууралуу КР Ички иштер министрлигинин басма сөз кызматы билдирди.

Кечээ 4-апрелде Кыргыз Республикасынын Ички иштер министри, милициянын генерал-майору Улан Ниязбеков министрдин жаңы орун басары - милициянын полковниги Абдиев Нурбек Такабаевичти Ички иштер министрлигинин борбордук аппаратынын өздүк курамына тааныштырды.

Ведомстводон билдиришкендей, тийешелүү буйрукка Кыргыз Республикасынын Премьер-министри Улукбек Марипов кол койду.

Берилген докладга ылайык, министрдин орун басары Мирлан Каниметов ээлеген кызматынан бошотулду.

Ички иштер министрлигинин башчысы Нурбек Абдиевдин жеке кесиптик сапаттары, билими жана тажрыйбасы жаңы кызматта толугу менен талапка жооп берет деп  ага ийгиликтерди, берилгендикти жана кызматтык милдеттерине жоопкерчиликтүү мамиле кылууну каалады.

Милициянын полковниги Абдиев Нурбек Такабаевич 1968-жылы 4-августта туулган. Кыргыз улуттук университетинин юриспруденция адистигин аяктаган. 1999-жылдан бери ички иштер органдарында.

Ички иштер органдарындагы кызматын Чүй облусунун Ысык-Ата районунун Ички иштер башкармалыгынын кылмыш иликтөө бөлүмүнүн опер кызматкери болуп баштаган.

Кызмат учурунда ал ыкчам, улук ыкчам кызматкери, өзгөчө маанилүү иштер боюнча улук опер кызматкери, ПОМ башчысы болуп иштеген.

Ар кандай жетекчилик кызматтарда иштеген: Аламүдүн районунун ИИБнын Кылмыш иликтөө бөлүмүнүн башчысы, Чүй ОИИБдин Кылмыш иликтөө бөлүмүнүн башчысынын орун басары, Башкы башкармалыктын Кылмыш иликтөө бөлүмүнүн башчысы. Чүй облусунун ички иштер башкармалыгы, Бишкек шаарынын Ички иштер башкы башкармалыгынын кылмыш иликтөө бөлүмүнүн башчысынын орун басары, Бишкек шаарынын Ички иштер башкы башкармалыгынын кылмыш иликтөө бөлүмүнүн башчысы, Кылмыш иликтөө кызматынын башчысынын орун басары Кыргыз Республикасынын ИИМ Бишкек шаары, Кыргыз Республикасынын Ички иштер министрлигинин Криминалдык полиция кызматынын башчысы.

Кыргыз Республикасынын Ички иштер башкармалыгында кызмат өтөп жатып, ал Эрдик мамлекеттик медалы жана ведомстволук сыйлыктар менен сыйланган.

фото www