Бишкек шаарынан Талас облусуна Казакстан аркылуу жүргүнчүлөрдү ташуу жанданды
Бул чечим эки өлкө лидерлеринин сүйлөшүүлөрүнүн натыйжасы
Казакстандын Өкмөтү Бишкек шаарынан Талас облусуна жана Жамбыл облусунан (РК) Таласка жүргүнчү ташуучу унаалардын транзиттик өтүүсүн калыбына келтирүү чечимин кабыл алды. Бул тууралуу Тышкы иштер министрлиги билдирди.
Бул чечим Президент Садыр Жапаров менен Казакстандын лидери Касым-Жомарт Токаевдин 2021-жылдын 2-мартында мамлекет башчысынын Нур-Султанга болгон иш сапарынын алкагында жүргүзүлгөн сүйлөшүүлөрүнүн жана ошондой эле жетишилген келишимдин натыйжасы болуп саналат. Премьер-министр Улукбек Марипов жана анын кесиптеши Аскар Мамин 2-апрелде Жамбыл облусунун Кордай айылында өткөн казак-кыргыз өкмөттөр аралык кеңешинин 9-отуруму болду.
Казакстандын аймагы аркылуу Бишкек - Талас - Бишкек каттамы боюнча жүргүнчүлөрдү ташуу 2020-жылдын 16-мартынан тартып коронавирус пандемиясына байланыштуу казак тарап тарабынан токтотулган. Ушуга байланыштуу, кыш мезгилиндеги аба-ырайынын жагымсыз шарттарын, ошондой эле тоолуу аймактан эки ашуу аркылуу өткөн жолдун узактыгын эске алуу менен, Талас облусунун калкынын мобилдүүлүгү минималдаштырылды, Бишкек менен Таластын ортосундагы транспорттук байланыштар иш жүзүндө токтоп калды, Таласка жүргүнчүлөрдү ташуу процесси татаалдашып, аймак, анын ичинде оорулууларды, карыларды жана балдарды ташуу учурлары оор болду.
Кыргыз тарап Казакстанга COVID-19 пандемиясынын учурунда Кыргыз Республикасынын калкына көрсөткөн гуманитардык жардамы үчүн ыраазычылыгын билдирет.
ТИМ басма сөз кызматы