Садыр Жапаров Никол Пашинян менен телефон аркылуу сүйлөштү
Маектешүү армян тараптын демилгеси менен болгондугу белгиленди
Кыргыз Республикасынын Президенти Садыр Жапаров бүгүн, 17-майда, армян тараптын демилгеси менен Армения Республикасынын Премьер-министринин милдетин аткаруучу Никол Пашинян менен телефон аркылуу сүйлөштү.
Тараптар Кыргызстан менен Армениянын ортосундагы эки тараптуу кызматташуу, ошондой эле регионалдык жана ЖККУ менен ЕАЭБдин алкагында эки өлкөнүн ортосундагы күн тартибиндеги актуалдуу маселелерди талкуулашты.
Садыр Жапаров менен Никол Пашинян Кыргызстан менен Армениянын ортосундагы бардык чөйрөлөрдө өз ара кызыкчылык туудурган активдүү кызматташууну улантууга максаттуу багыт алышканын ырасташты.
Президенттик аппараттын маалымат кызматы
Фото www
Бизди Телеграм каналыбыздан окуңуз