Фарид Ниязов дагы бир жолу Бишкектеги СИЗО-1ге кетти
Саясатчынын адвокаты Замир Жоошев кардары бир нече айдан бери дарыгерлерди күтүп жүргөн деп ырастоодо
Президенттик администрациянын мурдагы башчысы Фарид Ниязов 10-августка чейин Бишкектеги СИЗО-1де кармалды. Бул тууралуу Vesti.kg сайтына анын адвокаты Замир Жоошев билдирди.
Ниязовдун коргоочусу соттун чечимине нааразы.
- Соттун жыйынтыгын акыйкатсыз деп атоого болот, - дейт Жоошев. - Фарид Ниязов 10-августка чейин 1-абакта кармалды. Прокурор өзү менин жактоочумду камакта кармоого эч кандай негиз жок экендигин мойнуна алды.
Мындан тышкары, адвокат Ниязовдун ден-соолугуна байланыштуу олуттуу көйгөйлөр бар экендигин, бирок медицина кызматкерлери аны дагы деле текшере электигин эске салды.
"Ага катуу ооруу диагнозу коюлган", - деп белгиледи Жоошев. - Дарыгерлер кеңеши корутундусунда тереңирээк текшерүү керек деп жазды. Буга байланыштуу, үч ай мурун Жазаларды аткаруу мамлекеттик кызматы Саламаттыкты сактоо министрлигине кайрылган, бирок, сыягы, алардын кызматкерлери аконит өндүрүү менен алектенишет, ошондуктан Ниязовго убактылары жетпейт. Ал Саламаттыкты сактоо министрлигинин дарыгерлерин үч айдан бери күтүп жүрөт. Бул шалаакылыктын көрүнүшү.
Эске салсак, Фарид Ниязов айыпталуучулардын бири болгон өткөн жылдын 9-октябрындагы башаламандык фактысы боюнча кылмыш иши козголгон. Буга чейин Ниязов Алмазбек Атамбаевдин үйүн басып алган учурда Кой-Таштагы окуялар боюнча камакта болчу.
Элдос Казыбеков
Сүрөт www
