Укук коргоочу балдар үйүндөгү баланын өлүмүнө күбөлөр кысымга алынып жатат деп ырастоодо
Назгүл Турдубекова мамлекет башчыдан ишти жеке көзөмөлүнө алууну өтүнөт
Военно-Антоновка балдар үйүнүн 12 жаштагы Игорь Якуниндин өлүмүнө күбө болгон тарбиялануучулары кысымга алынууда. Бул тууралуу Балдар укугун коргоочулар лигасынын директору Назгүл Турдубекова маалымат жыйынында билдирди.
Ал кошумчалагандай, сөөктү эксгумациялоо иштери али жүргүзүлө элек жана өспүрүмдүн өлүмүнүн себеби дагы эле аныктала элек. Укук коргоочу Сокулук РИИБ тергөө ишин натыйжасыз жүргүзүп жаткандыгын белгиледи.
"Балдар үйүнүн директору күбөлөргө кысым көрсөтүп жатат" деди ал. - Иликтөөнү Ички иштер министрлигинин Башкы тергөө башкармалыгы же Чүй облусунун Ички иштер башкы башкармалыгы жүргүзүшү керек деп эсептейм. Ошондой эле ички иштер органдарынын жана прокуратуранын ишине баа берүү керек ”.
Турдубекова президент Садыр Жапаровдон жана министрлер кабинетинин башчысы Улукбек Мариповдон ишти жеке көзөмөлүнө алууну өтүнөт.
Эске салсак, буга чейин Vesti.kg сайтына 1-июнда Военно-Антоновска балдар үйүндө 12 жаштагы Игорь Якунин көз жумганы маалымдалган. Бирок, окуя бир-эки күн мурун эле белгилүү болгон. Алдын ала маалыматтар боюнча, өспүрүм башка окуучу менен мушташып, каза болушу мүмкүн. Балдар үйүнүн администрациясы жана Билим берүү министрлиги бул версияны четке кагууда. Баланын өлүмүнүн расмий себеби азырынча айтыла элек.
Сүрөт www