Дастан Бекешев Курманкул Зулушевге: Башкы прокуратура желмогузга айланды

Жогорку Кеңештин бүгүнкү жыйынында Башкы прокурор Курманкул Зулушев тарабынан демилгеленген “Кыргыз Республикасынын прокуратурасы жөнүндө” мыйзам долбоору каралууда.

Көзөмөлдөөчү органдын жетекчисинин сөзүнөн кийин депутат Дастан Бекешев бүгүнкү күндө Башкы прокуратура адам укуктарын коргоо боюнча милдеттерин аткара албай жаткандыгын айтты.

"Башкы прокуратура желмогузга айланды" деп эл өкүлү Зулушевге кайрылды. - Анын мыйзамдарды жазууга жана сунуш кылууга, түрмөгө отургузууга, тергөө жүргүзүүгө жана башка ыйгарым укуктары бар. Башкы прокуратура жана төмөнкү баскычтагы прокурорлор адам укуктарын коргой албай жатышат. Сиздин убагыңызда канча адам УКМКнын СИЗОсунда отурат. Алар келтирилген зыянды төлөп бермейинче бошотулбайт. Бул мыйзамсыз, андай болбошу керек. Счетуңузду окуп, аябай таң калдым. Биз кандай мамлекетте жашайбыз? Бул мыйзам долбоорлору адам укугун коргобойт деп эсептейм.

Өз кезегинде Курманкул Зулушев парламентарийге жооп берип жатып, Башкы прокуратура буга чейин жогорудагыдай ыйгарым укуктарга ээ болгонун баса белгиледи.

"Таң калбаңыз, биз Кыргызстанда жашайбыз" деп жооп берди. - Прокуратура желмогузга айланды деп жатасыз. Прокуратура органдары буга чейин мындай ыйгарым укуктарга ээ болгон, бирок талкаланган тутумга байланыштуу, биз азыркы кырдаалга жеттик. Каржы полициясы өзүн актаган жок жана коррупциянын айынан жоюлду. Жакында президенттин жарлыгы  УКМКнын АКСи жоюлат. Прокуратура мыйзамдын так аткарылышын көзөмөлдөйт. Мыйзамды билген адам желмогузга айлана албайт, анын коркуу сезими бар.Жаңы кодекстер менен прокуратура органдары өз милдеттерин так аткарат деп ишенем.

Зулушев ошондой эле Бекешевдин акыркы камакка алуулар боюнча билдирүүсүнө комментарий берди.

"Камакка алууларга келсек, алар Жогорку Кеңештин депутаттары кабыл алган кодекстердин негизинде жүргүзүлөт", - деп жооп берди көзөмөл органынын башчысы.

Канышай Балкыбекова
сүрөт www