Мухаммедкалый Абылгазиев 50 миллион сом төлөп, үй камагына чыкты
Тергөө уланууда
Мурдагы премьер-министр Мухаммедкалый Абылгазиев келтирилген зыяндын бир бөлүгүн 50 миллион сом өлчөмүндө төлөп, үй камагына чыгарылган. Бул тууралуу Vesti.kg сайтына өздүк булактар билдиришти.
Баш коргоо чарасын өзгөртүү чечимин Биринчи Май райондук соту чыгарды. Өз кезегинде УКМКнын басма сөз борбору Vesti.kg сайтына бул маалыматты тастыктады.
Эске салсак, 2021-жылдын январь айынын аягында УКМК Мухаммедкалый Абылгазиев премьер-министр болуп туруп, мамлекеттин жана республиканын жарандарынын кызыкчылыктарына каршы, негизсиз жана улуттук мыйзамдарды бузуу менен "Кумтөр Голд Компани" ишканасына геологиялык чалгындоо жана алтын казуу иштерин жүргүзүүгө кошумча жер бөлүп берүү токтомуна кол койгонун аныктаган.
Мамлекеттик кызматта жүргөндө ал өзүнүн мүлкүн мыйзамсыз көбөйтүп, расмий кирешесинен бир нече эсе жогору болгон. Аларды мыйзамдаштыруу максатында Бишкек, Чүй жана Ысык-Көл облустарынын аймагындагы кымбат баалуу кыймылдуу жана кыймылсыз мүлк объектилерин сатып алган, ошондой эле көп батирлүү үйлөрдүн курулушуна финансылык инвестицияларды салган. Кылмыш жоопкерчилигинен качуу үчүн бул активдер башка адамдардын атына катталган.
Бишкектин Биринчи Май райондук соту Абылгазиевди камакка алуу жана УКМКнын тергөө абагында калтыруу чечимин чыгарды.
Элдос Казыбеков
Сүрөт www