Темир Сариевдин адвокаты: Менин кардарымдын айланасында болуп жаткандын баары мыйзам чегинде эмес
Экс-премьердин укук коргоочусу ал камакта 21 күн жаткандан бери бир дагы жолу суракка алынбаганын белгиледи
Экс-премьер-министр Темир Сариевдин адвокаты Тимур Султанов Vesti.kg сайты менен болгон баарлашууда коргоочу тарап соттун чечими менен таптакыр макул эместигин айтты.
"Биз соттун чечими менен таптакыр макул эмеспиз" деди ал. Жактоочу Сариевдин тергөө органдарынан жашынуу ниети жок жана андай ниети болгон эмес экенин тастыктаган бардык далилдүү документтерди берди. Ал эркиндикте жүргөндө кандайдыр бир жол менен, сотко чейинки өндүрүштүн объективдүү өткөрүлүшүнө тоскоол боло турган объективдүү маалымат жок. Сариев 27-майда күбө катары тергөө органдарынын биринчи чакырыгына келип, бардык пайда болгон маселелер боюнча көрсөтмө берген. Биз ошондой эле Сариев 21 күн камакта болуп, ал жерде жөн эле отурганын жана бул убакыт аралыгында бир дагы тергөө аракети көрүлбөгөнүн сотто айттык дейт укук коргоочу.
Укук коргоочу белгилегендей, сот жактоочулардын жүйөлөрүн эске алган жок жана Темир Сариевдин УКМКнын тергөө абагында 30-сентябрга чейин кармалышын өзгөртүүсүз калтырды.
"Биз Сариевдин айланасында болуп жаткан нерселердин баары мыйзам чегинде эмес деп эсептейбиз", - деп кошумчалады ал. Кармоо мыйзамсыз болгон жана Жазык-процессуалдык кодекстин талаптарына жооп бербейт.
Сүрөт www