Европа Биримдигинин Борбор Азия боюнча атайын өкүлү Кыргызстанга келди
Терхи Хакала Руслан Казакбаев, Таалатбек Масадыков, Токон Мамытов жана башкалар менен жолугушат
Европа Биримдигинин Борбор Азия боюнча атайын өкүлү, элчи Терхи Хакала бүгүн Кыргызстанга келди. Бул анын 2021 -жылдын 1 -июлунда кызматка киришкенден бери өлкөгө жасаган биринчи сапары.
Эки күндүк сапардын жүрүшүндө Терхи Хакала Кыргызстандын жетекчилиги, анын ичинде тышкы иштер министри Руслан Казакбаев, Коопсуздук кеңешинин төрагасынын орун басары Таалатбек Масадыков жана Акыйкатчы Токон Мамытов менен жолугушууларды өткөрөт.
Тараптар ЕБ менен Кыргыз Республикасынын ортосундагы кызматташтыкты, тагыраак айтканда, саясий диалогдун жана өнүгүү боюнча кызматташуунун алкагында боло турган окуяларды, ошондой эле Кыргыз Республикасындагы учурдагы саясий процесстерди, анын ичинде алдыдагы парламенттик шайлоону талкуулоону пландап жатышат.
ЕБ менен Борбордук Азиянын регионалдык кызматташуу маселелери, айрыкча алдыда боло турган окуялар - Жарандык коом форуму жана Экономикалык форум талкууланат. Мындан тышкары, тараптар аймактагы окуялар жана Ооганстандагы кырдаал боюнча пикир алмашат.
Бишкекте эки тараптуу жолугушуулардан тышкары, элчи Терхи Хакала дипломатиялык коомчулук, анын ичинде Евробиримдикке мүчө мамлекеттердин элчилери менен жолугушат.
Евробиримдиктин КРнын Өкүлчүлүгү
Сүрөт www