Мамлекеттик монополияга каршы талаптар Кыргызстанда күйүүчү-майлоочу майлардын баасынын кескин өсүшүнө жол бербөө
Күйүүчү -майлоочу майлар рыногунда түзүлгөн кырдаалды талкуулоо боюнча жумушчу кеңешме өттү
2021-жылдын январь-сентябрь айларында ири нефтетрейдерлердин май куюучу жайларындагы күйүүчү-майлоочу майларга болгон баанын динамикасы бензиндин жана дизелдик күйүүчү майдын чекене баасынын тийиштүү түрдө 70% га чейин жана 50% га чейин өсүү тенденциясын көрсөтүүдө. Россиянын нефтини кайра иштетүүчү заводдорунун дүң сатуу баасынын жогорулашы.
Учурда монополияга каршы орган өз ыйгарым укуктарынын чегинде күйүүчү -майлоочу майлардын баасына сурамжылоо жүргүзүү, рыноктогу абалды анализдөө жана негизсиз өсүшкө жол бербөө үчүн сунуштарды берүү аркылуу күйүүчү -майлоочу майлардын баасынын өсүшүн ооздуктоо боюнча иштеп жатат. Нефтетрейдерлер тарабынан "Атаандаштык жөнүндө" Кыргыз Республикасынын Мыйзамынын талаптары бузулган учурда, монополияга каршы орган Кыргыз Республикасынын монополияга каршы мыйзамдарына ылайык тиешелүү чараларды көрөт.
Бүгүн, 9 -сентябрда, Экономика жана финансы министрлигинин алдындагы Монополияга каршы жөнгө салуу мамлекеттик агенттигинин сайтында, Мамлекеттик агенттиктин директору Кеңешбай Тайлаковдун төрагалыгы астында экономика жана финансы министринин биринчи орун басары Данияр Иманалиевдин катышуусунда, баанын өсүшүнө байланыштуу күйүүчү май рыногундагы абалды талкуулоо үчүн жумушчу кеңешме өттү. Жолугушууга Энергетика жана өнөр жай министрлигинин өкүлү, Кыргызстандын Нефтетрейдерлер биримдигинин, "Газпром Нефть Азия" ЖЧКсынын, "РН-Кыргызнефтепродукт" ЖАКтын (Роснефть), "Альфа Ойл" ЖЧКсынын ("Кызыл петролеум"), "Шнос" ЖЧКсынын (Бишкек шаары) жетекчилери катышты. Жолугушууда катышуучулар бааларды кармап туруу боюнча бир катар чараларды талкуулашты.
Баанын көтөрүлүшү объективдүү болгонуна карабастан, Мамлекеттик агенттик бир катар талаптарды койгон:
1) таза атаандаштык принцибин так сактоого;
2) баалардын деңгээлин кармап туруучу куралды колдонуу менен күзгү талаа жумуштарынын башталышын эске алуу менен баалардын кескин өсүшүнө жол бербөө, ошондой эле чыгымдарды оптималдаштыруу.
Жолугушуунун жыйынтыгы боюнча күйүүчү -майлоочу майлар рыногунда бааны турукташтыруу боюнча сунушталган чараларды иштеп чыгуу чечими кабыл алынды.
Монополияга каршы жөнгө салуу кызматынын басма сөз кызматы
Сүрөт www