Menu
RSS

Биз социалдык тармактардабыз:

TwitterFacebookYoutubeInstagramTelegram

Садыр Жапаров Жусуп Абдрахманов менен Акматбек Сүйүмбаевдин туугандарына "Кыргыз Республикасынын  Баатыры" эң жогорку даражаларын тапшырды

  • жолу 0 кароо

Президент өзгөчөлөнгөн кыргызстандыктарга мамлекеттик сыйлыктарды тапшырды

Бүгүн, 22-сентябрда, ар кыл тармактын өкүлдөрүнө, өлкөнүн эгемендүүлүгүнүн 30 жылдыгынын урматына белгиленип, өзгөчөлөнгөн кыргызстандыктарга – Кыргыз Республикасынын мамлекеттик сыйлыктарын салтанаттуу тапшыруу аземи болду.

Кыргыз Республикасынын Президенти Садыр Жапаров өз сөзүндө мамлекеттик ишмерлер Жусуп Абдрахманов менен Акматбек Сүйүмбаевдин өлкөнүн мамлекеттүүлүгүн түзүү жана чыңдоодогу эбегейсиз эмгегин белгиледи. Жусуп Абдрахманов менен Акматбек Сүйүмбаевдин жакындарына «Кыргыз Республикасынын Баатыры» эң жогорку артыкчылык даражасы тапшырылды.

Ошондой эле, Мамлекет башчысы дарыгер, мугалим, машыктыруучу, укук коргоочу жана башка ар кыл тармактын өкүлдөрүнө өлкөнүн социалдык-экономикалык, интеллектуалдык жана маданий дараметин өнүктүрүүгө кошкон олуттуу салымы, көп жылдык жемиштүү эмгеги, ошондой эле Конституцияны иштеп чыгууга активдүү катышкандыгы үчүн ыраазычылык билдирди.

Белгилей кетсек, бүгүн түштөн кийин маданият тармагынын ишмерлерине мамлекеттик сыйлыктарды тапшыруу аземи өтөт.

Президенттик аппараттын маалымат кызматы

Фото www

 

 

Бизди Телеграм каналыбыздан окуңуз
Ой-пикир кошуңуз


Наверх