Журналист: Камчыбек Ташиев Кумтөр иши боюнча сүйлөшүү үчүн Швейцарияга учуп кеткен

Журналист Өткүрбек Рахманов Фейсбуктагы баракчасына Улуттук коопсуздук боюнча мамлекеттик комитеттин төрагасы Камчыбек Ташиев Кумтөр боюнча ишти иликтөө алкагында Женевага учуп кеткенин жазган.

Рахманов Vesti.kgнин редакциясы менен болгон баарлашууда Ташиевдин кетиши тууралуу маалымат ишенимдүү экенин, анткени аны ишенимдүү булактардан алганын баса белгиледи.

"Ташиевдин Женевага учуп кеткени жүз пайыз маалымат", - дейт журналист. - УКМКнын башчысы Кумтөр иши боюнча олуттуу сүйлөшүүлөргө катышат. Ал ким менен сүйлөшөөрүн билбейм. Келгенден кийин ал өзү баарын коомчулукка айтып бериши керек.

Ал арада УКМКнын басма сөз кызматы Ташиевдин Кыргызстандан чыгып кеткени боюнча түшкөн маалымат боюнча Vesti.kg сайтына комментарий берүүдөн баш тартты. Редакциядан УКМКнын төрагасынын кайда жүргөнү эмне үчүн жашыруун экенин сураганыбызда, алар кайрадан: "Комментарий жок" деп жооп беришти.

Белгилей кетсек, бүгүн, 27 -сентябрда Камчыбек Ташиевдин туулган күнү. Ал 53 жашка чыкты.

Элдос Казыбеков

Фото www