Кош бол планетарий. Жогорку сот имаратты мыйзамсыз менчиктештирүү ишинде ММБФ тарапка өттү

Жогорку Сот Бишкектеги планетарийдин мурдагы имаратын мыйзамсыз менчиктештирүү боюнча ишти Мамлекеттик мүлктү башкаруу фондунун пайдасына чечти. Бул тууралуу Vesti.kg сайтына Жогорку Соттун басма сөз кызматы билдирди.

Ал арада Бишкек планетарийинин демилгечи тобунун мүчөлөрүнүн бири Бектур Фейсбук баракчасына эми алардын кыймылын жоюу чечими кабыл алынганын жазды.

«Биз утулуп калдык, балдар. Бишкек планетарийи болбойт. Биз жеңилгибиз келбейт, бирок мыйзам чегинде колдон келген аракетибизди жасадык. Буга биз өмүрүбүздүн 5 жылын сарптап, бүгүн Бишкек планетарийинин демилгелүү тобун тараттык. Жана биз планетарий бул имаратта сакталып калышын, эл ал жерге санарип жылдыздуу асманды көрүү үчүн барышын, балдарга астрономия сабактарын өтүшүн, кыргызстандыктар космосту изилдеп чыгышын кааладык», — деп жазган активист.

Айта кетсек, 16-сентябрда Бишкектин административдик соту “Биздин укугубуз” фондунун активисттеринин жана борбор калаанын бир нече тургундарынын ММБФга каршы доо арызын караган. Алар 1995-жылы "Россия" кинотеатрынын жанындагы планетарийдин имаратын жана анын аймагын менчиктештирүүнү мыйзамсыз деп табууну талап кылышкан. Андан кийин Бишкек шаардык соту дагы ушундай эле өкүм чыгарган. Бирок Жогорку Сот башкача чечим чыгарды.

Учурда бул имарат Жогорку Кеңештин маркум депутаты Чыныбай Турсунбековдун уулуна таандык. Бирок, имарат дагы эле кароосуз калган абалда.

2019-жылдын ноябрь айында имараттын ээси өз каражатына жаңы планетарий куруп берүүнү убада кылган.

Фрунзе планетарийи 1974-жылы курулган. Ал жакка Германиядан жаңы жабдуулар алынып келинген.

Элдос Казыбеков
Сүрөт www