“Тазалыктын” кызматкерлери жаңылыштык менен Дастан Бекешевдин шайлоо жарнагын алып кетишкен

Бир күн мурун бир мандаттуу Октябрь шайлоо округу боюнча Жогорку Кеңештин депутаттыгына талапкер Дастан Бекешев өзүнүн Twitter баракчасына Бишкектин 8 жана 9-кичирайондорунан белгисиз бирөөлөр эки көчмө жарнакты уурдап кетишкенин жазган.

«Бүгүн бизден эки көчмө жарнама стенддерин уурдап кетишти. Алар Байтик баатырды бойлой 8 жана 9-кичи райондордун аялдамаларында жайгашкан. Күбөлөр аларды ЖКнын «Тазалык» ишканасынын кызматкерлери алып кеткенин айтышууда», - деп жазды элдин тандоосу.

Ал арада Бишкек мэриясынын алдындагы Жер пайдалануу жана курулуш башкармалыгынын басма сөз кызматы Vesti.kg сайтына жарнак стенддерин чындап эле «Тазалык» ишканасынын кызматкерлери  алганын билдирди.

«Биз уруксатсыз жарнамалык түзүлүштөрдү жок кылуу боюнча чараларды көрүп жатабыз», - деп түшүндүрдү басма сөз катчысы Бегимай Алмазова. -Кечээ “Тазалыктын” адистери жаңылып Дастан Бекешевдин эки көчмө жарнагын алышкан.

Кошумчалай кетсек, Алмазова бүгүн эки көчмө жарнак тең Бекешевдин командасына кайтарылганын тактады.

Ал ортодо депутаттыкка талапкер өзү “Тазалык” ишканасынын кызматкерлеринен анын мамыларын албоосун суранды.

«Жарнак стенддери табылып, аларды «Тазалык» ЖКнын кызматкерлери алып кетишкен. Мен алардан мындан ары мындай кылбоосун сурандым», - деди парламентарий.

Элдос Казыбеков
Сүрөт www