Кара-Буура районунун убактылуу кармоочу жайында камактагылардын айрымдары көп жылдан бери жерде укташат

Кыйноолорду алдын алуу боюнча улуттук борбордун Талас облусу боюнча аймактык башкармалыгынын кызматкерлери Кара-Буура районунун Кызыл-Адыр айылындагы убактылуу кармоочу жайда кармоо шарттары бир жыл ичинде кандай өзгөргөнүн текшеришти.

Улуттук борбордун өкүлдөрү ИВСке профилактикалык иш сапарынын жүрүшүндө камактагыларды кармоо шарттарынын көптөгөн бузууларын аныкташкан, бул катаал жана кадыр-баркты басмырлаган мамиле катары бааланат.

Ошентип, №1 камерада 5 киши отурат. Ар бири иш жүзүндө 2,3 чарчы метрди түзөт, ал эми санитардык нормаларга ылайык, бир адамга аянт 3,25 чарчы метрден кем эмес болушу керек.

Ошондой эле, кармалгандар төшөктөрдүн кирдигине, керебеттердин жана шейшептердин жетишсиздигине даттанышкан. Адамдар жылаңач матрацтарда айлар бою (айрымдары бир жылга чейин же андан көп) уктоого аргасыз болушат.

«Жогоруда көрсөтүлгөн фактылардын бардыгы «Кылмыш жасаган деп шектелип жана айыпталып кармалган адамдарды камакта кармоонун тартиби жана шарттары жөнүндө» Кыргыз Республикасынын Мыйзамын бузуу болуп саналат. «Материалдык-тиричилик жактан камсыз кылуу жөнүндө» 22-берененин 2-пунктунда кылмышка шектүүлөр жана айыпталгандар жеке уктоочу жай менен камсыз болушу керек деп жазылган. Бул шарт аткарылбайт.

ИВСтин ички эрежелери да бузулган. Мыйзамга ылайык, камактагылар жата турган жер жана төшөнчүлөр менен камсыз болушу керек”,-дейт ЖККУнун Талас облусундагы өкүлчүлүгүнүн башчысы Нурлан Абдыраимов.

Ошону менен бирге ал өткөн жылы ИВСте болгон оң ​​өзгөрүүлөрдү белгилейт. Камералардын дубалдары шыбалып, сырдалып, ванна, раковиналар оңдолуп бүттү. Бул Кыйноолорду алдын алуу боюнча улуттук борбор тарабынан берилген сунуштар жарым-жартылай аткарылып жатканын билдирет.

Текшерүүнүн жыйынтыгы менен эксперттер тарабынан мыйзам бузуулар боюнча акт түзүлүп, ал Талас облусунун прокуратурасына жиберилет.

КААУБ маалымат кызматы
Сүрөт www