Талант Мамытов: Баннерди илүүгө менин да, талапкер Бекболот Миңбаевдин да документтери бар экен. Бирок мен ага бул орунду берүүгө даярмын (видео)
Ал ортодо Миңбаев Мамытовдон кечирим сурап, ал баннерин алып салууну убадалап, аларды үчүнчү күчтөр аралаштыргысы келип жатканын белгиледи
Жогорку Кеңештин спикерлигинен убактылуу баш тарткан “Ынтымак” партиясынан депутаттыкка талапкер Талант Мамытов Vesti.kg сайты менен болгон маегинде КСДП партиясынын талапкери Бекболот Миңбаевдин буга чейин Мамытов өзүнүн жарнагын илип койду деп айткан айыптоосуна жооп берди.
Талант Мамытов түшүнбөстүк болуп кеткенин түшүндүрүп, белгилүү болгондой, Миңбаевде да, баннерди коюуга документтери бар экен.
«Мен бул иш боюнча кечинде билдим», - деп жооп берди Талант Мамытов. - Бул жагдайды иликтөө боюнча штабга тапшырма бергем. Жарнамаларды жайгаштыруу боюнча бардык келишимдер менин колумда. СДПКнын өкүлдөрүнө жана талапкер Бекболот Миңбаевге түз жолугуп, ачууланып видеого тартып алган. Маалым болгондой, анын да бул жарнактын документтери бар, бирок дареги көрсөтүлгөн эменс, жарнак баннеринин өлчөмү дагы. Жыйынтыгы талаштуу маселе. Биз бул түшүнбөстүктү жоюу үчүн сүйлөштүк. Талапкер жөн эле шашып, видеого тартып алган. Ошентип, бул штабдын ортосунда эле чечиле турган майда маселе. Мен Миңбаевге бул көрнөк-жарнакты берүүгө даяр экенимди айттым. Ал да абалды түшүнүп, мага берүүгө даяр экенин белгиледи. Биз үчүн эң негизгиси шайлоонун таза жана ачык өтүшү.
Ал арада Бекболот Миңбаев Талант Мамытовдон кечирим сураган жаңы видеого тартып, шайлоодо мындай көрүнүш көп болорун белгиледи.
"Түшүнбөстүк бар" деди ал. - Жарнама боюнча келишим “Ынтымак” партиясы менен да, КСДП партиясы менен да түзүлгөн экен. Көрсө, үчүнчү күчтөр бизди аралаштыргысы келген. Бирок сүйлөшүп, баарын чечтик. Талант Мамытов Таш-Көмүрдө коногум болгондуктан, плакатымды алып салам. Биз талапкерлер ынтымактуу болушубуз керек. Талант Турдумамбетович таарынбаңыз. Бул шайлоодо болушу мүмкүн. Шайлоо бүтөт, бирок биз тынчтыкта жана ынтымакта болушубуз керек. Башка партияларга айтаарым: үчүнчү күчтөрдөн сак болгула.
Белгилей кетсек, буга чейин Бекболот Миңбаев Талант Мамытовду анын үстүнө өзүнүн баннерин илип алды деп айыптаган видеотасманы тарткан.
фото www