Баткен облусунун Дахма аймагында түн тынч өттү
Кечээ мамлекеттик чек арага жакын жерде белгисиз адамдар Тажикстан тараптан 7-8 жолу ок чыгарган
Баткен облусунун Баткен районундагы Дахма участкасында түн тынч өттү.
Кечээ, 23:30да Баткен районунун Төрт-Көчө тилкесинде Кыргызстан менен Тажикстандын чек ара өкүлдөрүнүн жолугушуусу болуп, анда чек арага жакын райондордун акимдери, укук коргоо жана компетенттүү органдардын өкүлдөрү катышты.
Жолугушууда Баткен районунун Дахма участкасында саат 21:15те мамлекеттик чек аранын шарттуу сызыгына жакын жерде белгисиз адамдар Тажикстан тараптан 7-8 жолу ок чыгарган окуя тууралуу сүйлөштү.
Жыйындын жыйынтыгында коомдук тартипти жана тартипти камсыз кылуу максатында тараптардын укук коргоо органдары 2-декабрдан тарта чек ара тилкесинде биргелешкен күзөт иштерин жүргүзүү чечими кабыл алынды.
Тараптардын чек ара бөлүктөрү күнүмдүк кызматын улантат.
Бүгүн саат 9:00гө карата мамлекеттик чек аранын кыргыз-тажик тилкесинде абал туруктуу.
УКМКнын басма сөз кызматы
Сүрөт www