Кыргызстандын сот системасында көптөгөн коррупциялык схемалар ачыкка чыкты

Улуттук коопсуздук боюнча мамлекеттик комитети санариптештирүү жана бүтүндөй сот тутумун өнүктүрүү багытын ишке ашырууда республиканын сот тутумундагы ири коррупция жана системалуу түрдө ири өлчөмдөгү уурдоо фактылары боюнча маалыматтар келип түшкөн.

Бул коррупциялык фактылар боюнча бир катар тиешелүү кылмыш иштеринин алкагында сотко чейинки өндүрүш иштери башталып, анын жүрүшүндө сот тутумунун кызмат адамдарынын жана жеке компаниялардын өкүлдөрүнүн мыйзамсыз иш-аракеттери тууралуу келип түшкөн маалыматтар тастыкталды.

Ошентип, сот тутумун санариптештирүү боюнча мамлекеттик максаттуу программанын алкагында каралган өзгөчө ири өлчөмдөгү мамлекеттик каражаттарды мыйзамсыз чыгарып кетүү боюнча сот тутумундагы коррупциялык схемалар ачыкка чыкты.

Коррупцияга Жогорку Соттун жетекчилигинин, Жогорку Соттун алдындагы Сот департаментинин, «Адилет Сот» мамлекеттик мекемесинин, коммерциялык уюмдардын жана аларга караштуу адамдардын тиешеси бар экендиги аныкталды.

Көрсөтүлгөн адамдардын тобу «Жергиликтүү сот», «Кыргыз Республикасынын сот тутумунун карызкорлорунун реестри», «Электрондук статистика жана сот органдарынын отчеттуулугу системасы» автоматташтырылган маалыматтык тутумдарын иштеп чыгуу жана ишке киргизүү боюнча алдын ала сүйлөшүп алып, жасалма келишимдерди түзүшкөн. Кыргыз Республикасынын Жогорку Сотуна караштуу Департамент» тарабынан ушул максаттарга бөлүнгөн бюджеттик каражаттар өзүнө бөлүнгөн.

Ошону менен бирге, жасалма кабыл алуу актыларына кол коюу жана ири өлчөмдөгү акча каражаттарын "коюу" менен коштолгон соттук отурумдарды аудио-видео жазуу, автоматташтыруу жана аларды жаздыруу үчүн аппараттык-программалык комплексти сатып алуу процесси да коррупцияга дуушар болгон. .

Аталган кылмыш иштеринин алкагында сот тутумунун 11 кызмат адамы жана жеке бизнестин өкүлдөрү кылмыш жоопкерчилигине тартылып, алардын ичинен 6 адам буга чейин сот тарабынан соттолгон.

Белгилей кетсек, тергөөдө 18 миллион 988 миң 553 сом материалдык чыгым аныкталып, тергөө учурунда көрүлгөн чаралар менен мамлекетке толугу менен кайтарылган.

Учурда УКМКнын бул багыттагы иштери улантылып, сот системасындагы жана башка мамлекеттик органдардагы ушул сыяктуу кылмыштарды аныктоо боюнча тиешелүү иш-чаралар жүргүзүлүүдө.

УКМК басма сөз борбору
Сүрөт www