Кыргызстандагы саясатчы айымдар жаңы-жылга карата сырткы келбетине канча акча коротушат

Жаңы-жыл алдында саясый интригалардын жана криминалдык маалыматтардын түбү жок дүйнөсүнө сүңгүүнү каалагандар аз, ошондуктан Vesti.kg сайтынын редакциясы окурмандарыбыз үчүн майрам алдындагы материал даярдады.

Белгилүү саясатчы айымдардан 31-декабрга чейин кийинүү үчүн канча акча короторун сурап көрүүнү чечтик.

Ошентип, Жогорку Кеңештин 6-чакырылышынын депутаты Айнуру Алтыбаева сулуулук салону менен ателье үчүн 3700 сомго жакын акча короторун Vesti.kg сайты менен бөлүштү.

«Миң сомго жакын акча маникюр-педикюрге жумшалат», - деп тактады мурунку эл депутатв. - Чачымды өзүм жасап алам. Былтыркы пандемиядан улам майрамга даярданган жокпуз, андыктан 2022-жылдын майрамы өзгөчө. Өзүмө жаңы көйнөк даярдап койдум, аны кийим тигүүчү тигип берет. Кийимди тиккени үчүн 2700 сомго жакын акча төлөйм.

Анын мөөнөтү бүтүп жаткан парламенттеги кесиптеши Евгения Строкова жаңы жылга чейин 2500 сомго жакын акча короторун билдирди.

- Жаңы-жылга карата мен көп убара болбойм, - деп белгиледи азыр мурдагы эл өкүлү. - Маникюр, педикюрду майрамда эмес, ай сайын жасайм.Кашты оңдоого, чачты стилинг менен кырктырууга 600 сом кетти. Маникюр жана педикюр үчүн – болжол менен 1600-1800 сом. Жаңы жылга кийим алайын деген оюм жок. Керек болгондо гана сатып алам.

Жогорку Кеңештин дагы бир экс-депутаты Ирина Карамушкина Vesti.kgге курган маегинде ал дагы 2500 сомдун чегинде калтырууну күтөрүн билдирди.

- Былтыр сулуулук салондоруна барбай калдым, - деп мойнуна алды. - Мен эч кандай укол сайдырып тарттырган жокмун. Чынын айтсам, маанай жок болчу. Бирок мен өзүмдү сөзсүз иретке келтирем. Чачты боёо,  маникюр 2500 сом алат. Балким, бул сумма өзүм үчүн кичинекей суммадыр.

Өз кезегинде эл депутаты Айсулуу Мамашова жаңы жылга атайын даярданбай жатканын Vesti.kg сайтына бөлүштү.

- Бул дагы башка майрамдардан өзгөчө кооздолгон балаты жана балдарга белектери менен гана айырмаланат, деп түшүндүрдү ал. - Жаңы-жылга атайын даярданып жаткан жерим жок. Мен көбүнчө макияж кылбайм. Чач жасалгасы же кийим болбойт. Жаңы-жылды үй кийими менен тосом.

Президенттикке мурдагы талапкер Клара Сооронкулова да ушундай пикирде. Ал ошондой эле келе жаткан майрамга сырткы келбетине акча коротууну пландабайт.

- Салондорго өтө сейрек барам, акыркы жолу дебатка чейин баргам, - деп эскерет ал. - Жаңы-жылга өзгөчө даярданып жаткан жокмун. Ал эми быйылкы жылы өлкөдөгү кырдаалдан улам майрамдык маанай таптакыр жок. Жаңы-жылды үйдө, үй-бүлөлүк шартта тосом. Жаңы жылдын алдында сырткы келбетиме акча коротпойм.

Канышай Балкыбекова
сүрөт www