Путин Казакстандагы окуялар боюнча: Биз түстүү ыңкылап сценарийлеринин ишке ашуусуна жол бербейбиз
Орусиянын президенти ЖККУдагы кесиптештерин тезирээк чечимдерди кабыл алуу механизмин иштеп чыгууга чакырды
Казакстанга жасалган чабуул Майдан технологияларына негизделген агрессивдүү акт болгон. Бул тууралуу Орусиянын президенти Владимир Путин ЖККУнун онлайн саммитинде билдирди.
«Казакстандагы окуялар биздин мамлекеттердин ички иштерине сырттан кийлигишүү боюнча биринчи жана акыркы аракет эмес», - деп белгиледи ал. - Кабыл алынган жамааттык чаралар түстүү революциялардын сценарийлерин ишке ашырууга жол бербей турганыбызды көрсөттү. Казакстандагы окуялардын хронологиясы ачык көрүнүп турат. Эң негизгиси, мындай окуялар бизди таң калтырбайт».
Орус лидери кошумчалагандай, бейпилдик күчтөрү Казакстанда өлкөдөгү кырдаал толук турукташканга чейин кала берет, андан соң бардык аскерлер чыгарылат.
«Биз күнү-түнү каалаган убакта иштөөгө даярбыз, ЖККУнун иш-аракеттери – бул көп жылдардан бери биздин ортобузда калыптанган ишенимдин натыйжасы. Бирок, чечим кабыл алуу процедураларын жакшыртуу жөнүндө ойлонуу керек. Иш натыйжалуураак болушу керек ", - деп жыйынтыктады Путин.
Сүрөт www