Токон Мамытов: Мен акыйкатчы болуп жетиштүү иштедим. Башкалар иштесин
Акыйкатчынын аппараты лидерсиз калууда. Себеби эмнеде?
Токон Мамытов Кыргызстандын Акыйкатчысы кызматынан кетүүнү чечти. Бул тууралуу Vesti.kg сайтына ал өзү билдирди.
Ал эске салгандай, өткөн жылдын октябрь айында парламенттик шайлоого катышканына байланыштуу акыйкатчы кызматынан кетүү боюнча арыз жазган. Бирок, белгилүү болгондой, кеп убактылуу кызматтан кетүү жөнүндө гана эмес.
- Мен шайлоого катышкандыктан өткөн жылдын октябрь айында кызматтан кетүү боюнча арыз жазгам, - деди Мамытов. - Мен азыр жокмун. Мындан ары Акыйкатчы институтунда иштөө оюмда жок. Мен ал жерде жетиштүү иштедим. Башкалар иштесин.
Ошол эле маалда экс-акыйкатчы республиканын башкы укук коргоочусу катары ишмердүүлүгүнө канааттанабы деген суроого жооп берүүдөн баш тартып, азыр эмне менен алектенерин жооп берген жок.
Ал арада Акыйкатчы институтунун басма сөз кызматы Vesti.kgге билдиргендей, азыр мекеме жетекчиси жок иштеп жатат.
- Акыйкатчыны шайлоо күнүн парламент чечет, - деп түшүндүрүштү Акыйкатчы аппаратынан. - Бул маселени Конституциялык мыйзамдар, мамлекеттик түзүлүш жана регламент боюнча комитети чечиши керек болчу. Алар азырынча директордун милдетин аткаруучуну дайындай элек. Бизде эки депутат өз багыттары менен алектенет. Жетинчи чакырылыштын депутаттарынан бул маселени чечип бериши керек болгон аракетти күтүп жатабыз.
Элдос Казыбеков
Сүрөт www