Алмаз Тажыбай: Кыргызстан бир эле учурда жашыл экономикалык өсүшкө жана көмүртектин нейтралдуулугуна жетише алат
Эксперт тоолуу мамлекеттердин көйгөйлөрүн көтөрүү менен өлкөбүздүн кадыр-баркы көтөрүлөт деп эсептейт
Президент Садыр Жапаровдун жарлыгы менен 2022-жыл Тоо экосистемаларын коргоо жана климатка туруктуулук жылы деп жарыяланган. Бул Кыргызстан үчүн кандай перспективаларды ачат? Мындан кандай пайда алууга болот?
Саясат таануучу Алмаз Тажыбай Vesti.kg сайтына курган маегинде жашыл экономикага өтүүнүн ыктымал перспективалары тууралуу айтып берди.
«Кыргызстан инвестиция тартып, эл аралык уюмдардан жардам ала алат», - деди ал. -Ошондой эле өлкөнүн кадыр-баркын көтөрүү, тоолуу мамлекеттердин, өзгөчө экологиялык көйгөйлөрдүн күн тартибин көтөрүү.
Ошол эле учурда Тажыбай бир эле убакта “жашыл” экономикалык өсүшкө жана көмүртектин нейтралдуулугуна жетишүү перспективасы бар деп эсептейт.
«БУУнун Климаттын өзгөрүшү боюнча алкактык конвенциясына (COP26) мүчө мамлекеттердин 26-конференциясында Садыр Жапаров тоолуу өлкөлөргө жардам берүү боюнча кайрылуу жасады», - деп эскертти адис. — Президент муктаж болгон өнүгүп келе жаткан тоолуу өлкөлөр үчүн өзүнчө максаттуу каржылоону сунуштады, бул Кыргызстанга бир эле учурда жашыл экономиканын өсүшүнө жана көмүртектин нейтралдуулугуна жетишүүгө мүмкүндүк берет.
Эске салсак, жашыл экономика Кыргыз Республикасын 2026-жылга чейин өнүктүрүүнүн улуттук программасында өзүнчө бөлүм катары белгиленген.
Ислам Жолдошов
сүрөт www