Бишкек травматология жана ортопедия илим изилдөө борборунун жаңы жетекчиси Дамир Дүйшөнов болот
Ал эми Гулия Кожокматова азыр Саламаттыкты сактоо министрлигинин илимий борборду кайра уюштуруу боюнча консультанты
Бүгүн саламаттыкты сактоо министри Алымкадыр Бейшеналиев Бишкек травматология жана ортопедия илим изилдөө борборунун жаңы башкы дарыгери Дамир Дүйшөновду президент Садыр Жапаровго тааныштырды. Бул тууралуу Vesti.kg сайтына КР Саламаттыкты сактоо министрлигинин башчысы билдирди.
Анын айтымында, мамлекет башчы команданы бөлбөй, кыргыз элинин жыргалчылыгы үчүн биргелешип иштөөгө чакырды.
«Эртең Бишкек травматология жана ортопедия илим изилдөө борборунун жамааты жаңы башкы дарыгер Дамир Дүйшөнов менен тааныштырылат», - деп бөлүштү Бейшеналиев. - Дүйшөнов 17 жыл илимий борбордо травматология бөлүмүнүн башчысы болуп иштеген. Азыр ал чакыруу боюнча травматолог болуп иштейт.
Министр ошондой эле буга чейин шаардык травматологиянын директорлугуна дайындалган Гулия Кожокматова учурда Саламаттыкты сактоо министрлигинин Бишкек травматология жана ортопедия илим изилдөө борборун жоюу жана кайра уюштуруу боюнча консультанты болуп иштеп жатканын белгиледи.
Бишкек травматология жана ортопедия илим изилдөө борборунун мурдагы жетекчиси Сабырбек Жумабековдун мындан аркы тагдыры тууралуу суроого Саламаттыкты сактоо министри бул тууралуу эч нерсе билбейт деп жооп берди.
Канышай Балкыбекова
сүрөт www