Эл аралык укук коргоочулар КРнын бийлигинен Kaktus.media сайтына козголгон ишти токтотууну суранышат

Эл аралык Amnesty International укук коргоо уюму Кыргызстандын бийлигине кайрылып, Kaktus.media сайтында жарыяланган басылма боюнча козголгон кылмыш ишин токтотууга чакырды.

Укук коргоочулар болуп жаткан окуяларды сөз эркиндигине кол салуу деп атоого болорун белгилешүүдө.

«Kaktus.mediaга каршы козголгон иш абсурд жана коркунучтуу. Айыптуу өкүм чыгарабы же жокпу, ага карабастан. Көз карандысыз маалымат каражаттарына кылмыш жообуна тартыла баштаган фактынын өзү эле Кыргызстанда маалымат алуу жана жайылтуу укугун жокко чыгарат. Эркин басма сөзгө мындай чабуулдар жөн эле кабыл алынгыс. Кыргызстандын жарандары ар кандай көз караштар менен тааныша алышы керек, анын ичинде мамлекеттик коопсуздук жана куралдуу кагылышуулар өңдүү маселелер боюнча, эгер басылма кимдир-бирөөнү таарынтып же капа кылса, же бийлик тарабынан талаш-тартыш жаратса дагы», - дейт Эл аралык Мунапыс уюмунун Чыгыш Европа жана Борбордук Азия  боюнча директору Мари Струтерс.

Уюм басылмада зордук-зомбулукка чакырыктар жок экенин баса белгилеп, «бирок биринчи ок кыргыз тараптан атылганын ырастаган, аны өлкө бийлиги кескин түрдө четке кагууда».

Эскерте кетсек, 1-февралда Биринчи Май районунун прокуратурасы 1-берененин негизинде кылмыш ишин козгогон. Кыргыз Республикасынын Кылмыш-жаза кодексинин 405-беренеси ("Согушка үгүттөө, башкача айтканда, бир өлкөнүн экинчи өлкөгө агрессиясын жасоо же аскердик кагылышууну тутандыруу максатында ар кандай формада көз караштарды, идеяларды же чакырыктарды таратуу). Тергөө кайра басылып чыккан материалда «Кыргызстандын аскер кызматкерлери биринчилерден болуп ок аткан, муну менен Тажикстанды провокация кылган» деген такталбаган маалымат камтылган деп эсептейт.

Бир күн мурун Kaktus.media редакциясынын жанында дагы митинг өттү. Чогулган эл басылманы жабууну, ошондой эле чет элдик агенттер тууралуу мыйзамды кабыл алууну талап кылышты.

Сүрөт www