Мамлекеттер аралык мамилелерди өнүктүрүүгө кошкон салымы үчүн Ош шаарынын мэри Алмаз Мамбетов ШКУнун медалы менен сыйланды
ШКУнун атынан медалды ТИМ Руслан Казакбаев тапшырды
Тышкы иштер министрлигинин басма сөз кызматы Vesti.kg сайтына берген маегинде Ош шаарынын мэрине ШКУнун медалы ыйгарылганын тастыктады.
- ШКУ өлкөлөрүнүн мамлекеттер аралык мамилелерин өнүктүрүүгө кошкон жеке салымы үчүн түштүк борбордун мэри Алмаз Мамбетов Шанхай кызматташтык уюмунун юбилейлик медалы менен сыйланды, - деп белгиледи басма сөз кызматы. - Юбилейлик медаль ШКУну түзүүгө жана өнүктүрүүгө жеке зор салым кошкон мамлекеттик кызматкерлерге жана коомдук ишмерлерге ыйгарылат.
Алмаз Мамбетовго медалды ШКУнун атынан тышкы иштер министри Руслан Казакбаев тапшырды.
Ислам Жолдошов
Сүрөт ТИМдин басма сөз кызматы
Бизди Телеграм каналыбыздан окуңуз