Москвада ишкер Леонид Маевский 11 жылга кесилди

Москванын Мещанский соту Мамлекеттик Думанын экс-депутаты, Ростовдогу "Юнитайл" холдингинин мурдагы акционери Леонид Маевскийди 11 жылга күчөтүлгөн режимдеги колонияга кести. Бул тууралуу "Коммерсантъ" басылмасы жазып чыкты.

Чиновник «Альфа-групп» жана A1 компаниясынын акционерлери Михаил Фридман менен Петр Авенден, ошондой эле жакында Альфа Банктын кожоюндарынан чыгып кеткен Герман Хандан 37,5 миллион доллар талап кылгандыгы үчүн күнөөлүү деп табылды.

«Сот өкүмүндө каршы чыкса  Маевский Альфа Групптун топ-менеджментинин айрым болжолдуу алдамчылык аракеттери, ошондой эле алардын Латвияда «МегаФон» компаниясынын негиздөөчүлөрүнүн биринин Леонид Рожецкиндин жоголушуна жана өлтүрүлүшүнө катышы бар экендиги тууралуу айтып берем деп коркуткан. Көрүнүш үчүн жабырлануучулар коюлган шарттарга макул болуп, 2018-жылдын 14-ноябрында ФСБга кайрылышкан. Эртеси эле Леонид Маевский кармалган. Бир күндөн кийин анын жардамчысы, «Юнитайл» холдингинин мурдагы басма сөз катчысы Максим Букин СИЗОго камалды. Акыркысы 2019-жылдын августунда кармалган адвокат Владимир Афонкин болгон», — деп жазат басылма.

Иш боюнча башка айыпталуучулар он жыл алышты.

Эске салсак, 2017-жылы КР Башкы прокуратурасы «Ата Мекен» партиясынын лидери Өмүрбек Текебаевге карата Кылмыш-жаза кодексинин «Алдамчылык» жана «Коррупция» беренелери боюнча иш козгогон. Кармоого орусиялык ишкер Леонид Маевскийдин көрсөтмөсү себеп болгон. Ал 2010-жылы президент Курманбек Бакиев бийликтен кулатылгандан кийин түзүлгөн Убактылуу өкмөттүн лидерлеринин бири болгон Өмүрбек Текебаевге миллион доллар төлөп бергенин айтты. Орус тарап дагы саясатчы Дүйшөнкул Чотоновго каршы көрсөтмө берди.

Текебаев менен Чотонов 8 жылга эркинен ажыратылды. 2019-жылы айыпталуучулар камактан бошотулган. Былтыр апрель айында Текебаев менен Чотонов акталган.

Сүрөт www