Эльвира Сурабалдиева: Кыргызстандан 1,5 миллион эмгек мигранты келечекте пенсиясыз калабы?
Эл өкүлү Бакыт Төрөбаевге бул маселени көзөмөлгө алып, орус тарап менен сүйлөшүүнү сунуштады
Бүгүн Жогорку Кеңештин жыйынында депутат Эльвира Сурабалдиева Россия Федерациясынын пенсиялык келишимден чыкканына депутаттардын, президенттин парламенттеги өкүлүнүн жана Бакыт Төрөбаевдин көңүлүн бурду.
"Орусия өткөн аптада пенсиялык келишимден чыкты" деди ал. — Эмгек мигранттарыбыздын тагдыры кандай болот? Сизден суранам, Бакыт Эргешович, муну өзүңүздүн көзөмөлүңүзгө алыңыз. Керек болсо, анда орус тарап менен сүйлөшкүлө. Бир жарым миллион кыргызстандык өлкө сыртында эмгектенет. Алар пенсиясыз калабы?
Ислам Жолдошов
Сүрөт www
Бизди Телеграм каналыбыздан окуңуз