Сеидбек Атамбаев атасынын өмүрү коркунучта экенин айтты

Мурдагы мамлекет башчы Алмазбек Атамбаевдин уулу, депутат Сейидбек Атамбаев атасынын өмүрү коркунучта экенин билдирди. Жогорку Кеңештин жыйынында депутат депутаттык комиссия түзүүнү жана экс-президентти күч менен сотко жеткирүү менен болгон окуяны текшерүүнү сунуштады.

«Мен №47 колонияда болчумун, Алмазбек Атамбаев өткөн жумада күч менен сотко алып барганда ал жарадар болгон», - деди ал. Бизге көзөмөл камераларынан видео берилбейт. Айрым ведомстволордун басма сөз катчылары Алмазбек Атамбаев футболкасын чечип, катуу сөздөрдү айтты, бирок бул жалган», - деп билдирди.

Сейидбек Атамбаев бул ишти аягына чейин чыгарын убада кылды.

«Кабинеттин башчысы – Акылбек Жапаров, ал эми ИНСтин башчысы – анын бир тууганы Рахат Жапаров, алардын кудалары ким экенин өзүңөр билесиңер. Бул тууралуу айрым депутаттар социалдык тармактарга жазып чыгышты. Бир жумадан кийин мурдагы президент башка колонияга - Молдовановкага же Петровкага которулат. Анын өмүрү коркунучта. Бирок билгиле, Алмазбек Атамбаев эч качан өз жанын кыйбайт, эгер ал башы сынып же муунуп калса, бул үчүн жоопкерчилик бийликте болот”, - деп жыйынтыктады ал.

Сүрөт www