Айсулуу Кудайбердиеванын иши: Сот УКМКнын тергөөчүсүн суракка алууну суранууда
Мамлекеттик айыптоо активист кыргыз-тажик чек арасын мыйзамсыз кесип өткөн деп билдирди
Бүгүн Бишкектин Биринчи Май райондук сотунда экс-депутат Равшан Жеенбековдун жардамчысы, активист Айсулуу Кудайбердиеванын иши боюнча соттук отурум өттү. Бул тууралуу Vesti.kg сайтына ал өзү билдирди.
Анын айтымында, бүгүн прокурор аны 2019-жылы кыргыз-тажик чек арасынан төрт жолу мыйзамсыз кесип өткөн деген айыптоо корутундусу менен тааныштырды. Бирок Vesti.kg менен болгон маегинде Кудайбердиева 2019-жылы чек арадан чындап эле өткөнүн, бирок бир гана жолу мыйзамдуу түрдө өткөнүн баса белгиледи.
"Тилекке каршы, активисттерге так басым уланууда" дейт ал. - Мага бир топ калпты камтыган айыптоо корутундусун окуп беришти. Мен чек арадан 2019-жылы бир жолу мыйзамдуу түрдө өттүм. Бирок анда төрт жолу өтүп кеттим деп жазылган. Болбогон нерсени эмнеге ойлоп табышарын билбейм. Жактоочу экөөбүз күбөлөрдү судьяга суракка чакырууну чечтик. Биз объективдүүлүктү каалайбыз.
Мындан тышкары, Кудайбердиева сот ишти тергеп жаткан УКМКнын тергөөчүсүн суракка алуу чечимин чыгарганын кошумчалады.
Эске салсак, үстүбүздөгү жылдын 14-февралында УКМКнын кызматкерлери иштин материалдарын Бишкектин Биринчи Май райондук сотуна жөнөтүшкөн, ал эми Айсулуу Кудайбердиева ал кезде айыптоо корутундусу менен таанышкан эмес. Активист 2019-жылы кыргыз-тажик чек арасын мыйзамсыз кесип өткөн деп шектелүүдө.
2020-жылы Айсулуу Кудайбердиева экс-президенттикке талапкер, оппозициялык саясатчы Равшан Жээнбековдун шайлоо штабында иштеген.
Элдос Казыбеков
Сүрөт www