Бишкекте гезит күркөлөрүндө соода кылгандар кирешесиз калышы мүмкүнбү?
Борбордо жеңил конструкцияларды орнотууга тыюу салынгандыктан, ишкерлердин да жаңы соода түйүндөрүн ачууга укугу жок
Бишкек мэриясы гезит-журнал ээлеринен максатына жараша гезит-журналдарды гана сатууну талап кылды. Ошол эле учурда ишкерлерге жалаң басма продукциясын сатуу экономикалык жактан пайдасыз экени айдан ачык. Бизнесмендер жаңы соода түйүндөрүн орното алышпайт – борбор калаада муниципалдык жерлерге жеңил конструкцияларды орнотууга үч жылдык мораторий киргизилди.
Киоск ээлери кирешесиз калып, бюджетке салык төлөбөй калышы мүмкүн. Vesti.kg сайтынын редакциясы мунун чын-төгүнүн билүү үчүн Бишкек шаарынын социалдык маселелер боюнча вице-мэринин кабылдамасына кайрылды. Бирок алар комментарий берүүдөн баш тартышты. Шаардык муниципалитеттин басма сөз кызматы да жеткиликсиз болуп чыкты.
Мындан соң редакция Бишкек шаардык кеңешинин басма сөз кызматына кайрылды. Эске салсак, дал ушул БГКнын депутаттары жеңил конструкцияларды орнотууга мораторий кабыл алышкан.
- Бардык гезит күркөлөрү жеке менчик, бирок муниципалдык жер тилкесинде жайгашкан, - деп түшүндүрдү БГКдагы кырдаалга. Алардын максаты — газета-журналдарды сатуу. Алар көздөгөн жерин өзгөртө алышпайт. Борбор калаада 2023-жылга чейин жеңил конструкцияларды орнотууга тыюу салынгандыктан, ишкерлердин да жаңы соода түйүндөрүн ачууга укугу жок.
Михаил Готфрид
сүрөт www