Эксперт: Кыргызстанда жол ишке берилгенден кийин подрядчы жоопкерчилик тартпайт
Марат Мусуралиев курулуш иштеринин сапатын жогорулатуунун механизмдери биздин өлкөдө иштелип чыга элек деп эсептейт
Жогорку Кеңештин тармактык комитетинин жыйынында депутат Чолпон Султанбекова Кыргызстандын тышкы карызынын 25-30%ы жол курууга кетип жатканын билдирди. Бирок, алардын сапаты начар.
Эмне үчүн жолдор тез бузулат?
Транспорт боюнча эксперт Марат Мусуралиев Vesti.kg сайтына курган маегинде Кыргызстанда аткарылган иштердин сапаты үчүн подрядчынын мындан аркы жоопкерчилигинин механизми иштелип чыга электигин түшүндүрдү.
«Кыргызстанда аткарылган иштердин сапаты үчүн подрядчынын мындан аркы жоопкерчилигинин механизми иштелип чыга элек», - деди Мүсүралиев. — Мисалы, Кытайда подрядчик өз каражатына жол курат, анын акысын мамлекет курулуш аяктагандан кийин төлөйт. Мындан тышкары, алар келишимде подрядчы жолдордун сапатына белгилүү бир убакытка чейин жооп берет, башкача айтканда, керек болсо өз каражатына оңдоп берерин белгилешет. Ошондуктан ишканалар өз чыгымдарын азайтуу үчүн иштин сапатына кызыгышат. Кыргызстанда эмнегедир подрядчыга аванс төлөшөт да, ишке киргизгенден кийин ал жооп бербейт.
Мындан тышкары, эксперт жолдорго акы төлөө керек деп эсептейт.
«Мен түшүнөм, бул сунуш айдоочуларга жакпайт, бирок насыялар төлөнүшү керек», - деп улантты Мусуралиев. «Азыр биз бардыгына – карызга алынган жолду пайдалангандарга да, такыр айдабагандарга да төлөйбүз. Казакстанда, Орусияда, Кытайда акы төлөнүүчү жолдор бар.
Ислам Жолдошов
сүрөт www