Тажикстан эми АКШдан учкучсуз учактарды алат
Коңшу өлкөгө 60 миллион долларлык аскердик техника берилет
АКШ Тажикстанга баасы 60 миллион доллардан ашкан Puma чалгындоочу учкучсуз учактарды берет. Бул тууралуу Дүйшөмбүдөгү маалымат жыйынында АКШнын Тажикстандагы элчиси Жон Марк Поммершайм билдирди.
Анын айтымында, чек арада өлкөнүн аба мейкиндигин көзөмөлдөө үчүн аскердик техникалар берилет.
Жон Марк Поммершайм Ооганстандын түндүгүндө жайгашкан террордук топтордун коркунучтарын эске салды, анын айтымында, алар Ооганстандын чегинен тышкары террордук актыларды жасоону пландаштырууда. Бирок АКШ Тажикстандын аймагында аскердик база түзүүнү көздөбөйт, деп баса белгиледи элчи.
Дипломатиялык өкүлчүлүктүн башчысы ошондой эле АКШ тажик-ооган чек арасында чек ара заставасын, ошондой эле Ооганстан менен чек арага 900 аскер кызматкерлери жана алардын үй-бүлөлөрү үчүн чек ара отрядын курууну көздөп жатканын белгиледи.
Эске салсак, буга чейин Түркия Тажикстанга Bayraktar учкучсуз учактарын сатканы тууралуу маалымат тараган.
Булак
Сүрөт www