Нурланбек Кайынбаев: Жаңы мыйзам боюнча жолдордун капиталдык курулушуна кепилдик мөөнөтү беш жылды түзөт
Транспорт министринин биринчи орун басары кепилдик мөөнөтү бүтө электе жолдор жараксыз абалга келип калса, подрядчик өз каражатына оңдоо иштерин жүргүзөрүн түшүндүрдү
Жакында Жогорку Кеңештин Бюджет, экономикалык жана фискалдык саясат боюнча комитетинин жыйынында депутат Эльвира Сурабалдиева жолдорду оңдоо жана курууга кепилдик канча убакытка созуларын сурады.
-Жаңы жолдорду куруп жатабыз, жамоо иштери жүрүп жатат, жолдорду оңдоо, курууга кепилдик мөөнөтү канча? — деп сурады ал Транспорт жана коммуникациялар министринин биринчи орун басары. -Бир жылдан кийин бул жолдор бузула баштаса, анда буга ким жооп берет?
Өз кезегинде Нурланбек Кайынбаев жаңы мыйзамдарга ылайык, кепилдик мөөнөтү үч жылдан беш жылга чейин деп түшүндүрдү.
«Жаңы мыйзамдарга ылайык, оңдоо үч жылга, курулушка беш жылга кепилдик берилет», - деди ал. - Кепилдик мөөнөтү бүтө электе жолдор жараксыз абалга келип калса, подрядчы өз каражатына оңдоо иштерин жүргүзөт. Мурдагы мыйзамдарга ылайык, кепилдик мөөнөтү бир гана жыл болчу.
Ислам Жолдошов
Сүрөт www