“Социал-демократтар” Дача-СУдагы авиакырсыкты иликтөө боюнча комиссияга суроолорун жөнөтүштү

КСДПнын лидери Темирлан Султанбеков Дача-СУдагы учак кырсыгын иликтөө боюнча коомдук комиссиянын мүчөлөрүнө кайрылуу жолдоду.​

«Президенттин чакырыгына ыкчам жооп берип, коомдук комиссиянын ишине катышуу үчүн талапкерлерди жөнөттүк. Тилекке каршы биздин кайрылууларыбыз жоопсуз калды. Социал-демократтар партиясы келечекте мындай кырсыктарды болтурбоо үчүн коомдук комиссиянын иши ачык-айкын жана объективдүү болот деген ишенимин билдирет», - деп айтылат кайрылууда.

Партия ар кандай саясий спекуляцияларга чекит коюу үчүн комиссия мүчөлөрүнө төмөнкү суроолорду кароону сунуштайт:

I Учак кырсыгы

1. Авиация техникасына байланышкан инциденттер менен профессионалдуу түрдө иш алып барган эл аралык уюмдар тарабынан иликтөө жүргүзүлгөнбү?

2. Андай болсо, көз карандысыз эл аралык эксперттердин корутундусунда кырсыктын кандай себептери айтылган?

3. Түрк авиакомпаниясынын реакциясы кандай болду: күнөөнү өзүнө алдыбы же аба ырайы, кыргызстандык диспетчерлер же башка себептерден уламбы?

4. Кырсык үчүн жоопкерчиликти мойнуна алса, эл аралык мыйзамдарга ылайык жабырлануучуларга компенсация төлөп бердиби?

II Жүк менен

    Бул рейс үчүн жүктөө манифести барбы?
    Эгер бар болсо, анда:

1. Бул учакка ашыкча жүк жүктөлгөн дегенди билдиреби?

2. Гонконгдо эл аралык стандарттарга ылайык бүткөрүлдүбү?

3. Ал жүктүн бара турган пунктун же пункттарын көрсөтөбү?

4. Анын эң сол жактагы графасында аба каттамынын номери - алуучулар үчүн жүк ташуу үчүн бардык квитанциялардын номерлери болушу керек. Бешинчи графада (даста) бара турган жер, бардык жүктөрдүн бара турган жери бирдейби же ар башкабы?

5. Эгер бирөө болсо, кайсынысы? Эгерде башкача болсо, алар эмне?

6. Жүктүн бара турган жери же жүктүн бир бөлүгү катары Бишкекти көрсөтөбү?

7. Анда канча квитанция, ошого жараша жүктүн ээлери бар?

    Учактын Бишкекке конуу максаты май куюубу же жүктү түшүрүү беле?
    2017-жылдын январында медиа юристтер тарабынан берилген “Түркиянын атайын кызматтарынын документинин” аныктыгы текшерилдиби?
    Эгерде “документ” бурмаланса, күнөөлүүлөрдү жоопко тартуу чаралары көрүлдүбү?
     Кырсык болгон жерден табылган товарлар боюнча Кыргызстандын атайын кызматтарынан маалымат барбы?
    Андай болсо, жүк монотондуубу же товардын түрлөрү көп беле?

III Кырсык болгон жерде

1. Авиакырсык болгон жердин абалы кандай?

2. Жерлер кантип сатылган?

3. Бул аймак турак жай курууга тыюу салынган жерлердин категориясына кирдиби?

4. Кыргыз Республикасында канча тургун жашоочулар үчүн кооптуу аймактарда (стратегиялык объектилердин жанында, жер көчкү, сейсмикалык жана башка аймактарда) турак жайларда жашайт?

5. Өзгөчө кооптуу аймактарда жашаган жарандардын коопсуздугун камсыздоо боюнча кандай чаралар көрүлүүдө?

Сүрөт www