Бишкекте мамлекеттик-жеке өнөктөштүк боюнча эл аралык конференция өтүүдө
“Бүгүнкү өнөктөштүк – эртеңки гүлдөп өнүгүү”
Бишкекте бүгүн III мамлекеттик-жеке өнөктөштүк боюнча эл аралык конференция өтүүдө.
Уюштуруучулардын маалыматына караганда, конференция Кыргызстандагы жана Борбор Азия чөлкөмүндөгү мамлекеттик-жеке өнөктөштүктүн актуалдуу көйгөйлөрүн жана өнүгүү келечегин талкуулоого арналган. Ошондой эле мамлекет менен бизнестин өз ара аракеттенүүсүн бекемдөөгө багытталган жаңы стратегияларды иштеп чыгууга жана конструктивдүү диалогго аянтча болуп берет.
Иш-чара мындан тышкары, Кыргызстанда мамлекеттик-жеке өнөктөштүк борборунун түзүлгөндүгүнүн 5 жылдыгына карата уюштурулууда жана “Бүгүнкү өнөктөштүк – эртеңки гүлдөп өнүгүү” урааны астында өткөрүлүүдө.
Иш-чаранын негизги багыттарына санариптештирүү жана инновациялар, экологиялык туруктуулук, социалдык көйгөйлөрдү чечүүдө мамлекеттик-жеке өнөктөштүктүн ролу, туруктуу өнүгүү максаттарына жетүү жана башкалар кирет.