Menu
RSS

Биз социалдык тармактардабыз:

TwitterFacebookYoutubeInstagramTelegram

Экономика жана каржы министрлиги чекене тармактар ​​менен маанилүү продукциялардын туруктуу баалары боюнча макулдашты

  • жолу 0 кароо

Өсүмдүк майынын, шекердин, ундун жана нандын баасы келишимде белгиленген

Социалдык жактан маанилүү азык-түлүк товарларынын бааларынын өсүшүн кармап туруу боюнча чараларды көрүү максатында, Кыргыз Республикасынын Экономика жана финансы министрлиги тарабынан Рыноктор, кызмат көрсөтүү чөйрөсүндөгү ишканалар ассоциациясы, Фрунзе, Глобус, Народный ж.б. соода түйүндөрү, Кыргыз Республикасынын жеткирүүчүлөрүнүн (өндүрүүчүлөрүнүн жана дистрибьюторлорунун) ассоциациясы, КР кантты өнөр жайлык керектөөчүлөр ассоциациясы жана башка азык-түлүк товарларын жеткирүүчүлөрдү катышуусунда бир катар жолугушуулар өткөрүлгөн.

Жолугушуулардын жүрүшүндөгү талкуунун жыйынтыгында соода түйүндөрүн түзүү жолу менен азык-түлүк товарларын сатуу боюнча соода ишин жүргүзгөн чарбалык субъектилердин (“Народный СҮ” ЖЧК - Глобус жана Народный соода тармактары, “Партнер Кей Джи” ЖАК - Фрунзе соода түйүнү) жана чарбакер субъекттер - азык-түлүк товарларын өндүрүүчүлөр жана импорттоочулар, жеткирүүчүлөр Ассоциациясы (өндүрүүчүлөр жана дистрибьюторлор), Доолот Трейдинг ЖЧК, Витал Виста ЖЧК, “Каинды Кант” ААК, “Кошой” ААК ортосунда Социалдык мааниге ээ товарлардын бааларын кармап туруу боюнча чараларды кабыл алуу жөнүндө макулдашууга кол коюлду, ал 2021-жылдын 9-мартынан тартып күчүнө кирет жана 2021-жылдын 1-июнуна чейин күчүндө болот.

Макулдашуунун катышуучулары калктын азык-түлүк товарларын туруктуу баада сатып алуу мүмкүнчүлүгүн камсыз кылуу үчүн зарыл болгон аракеттерди жана чараларды көрүүгө милдеттенишет.

Макулдашуунун предмети - азык-түлүктүн 4 түрүнө бааны кармап туруу боюнча чараларды көрүү:

- күн карама майы (премиум сегментсиз);

- 1-сорттогу;

- кумшекер;

- 1-сорттогу ундан жасалган нан.

Жеткирүүчүлөр Макулдашууга кол коюлган күндөн тартып күчүнө кирген же ар бир соода уюму менен Макулдашуу күчүндө болгон мезгилде, келишимдин тиркемесинде көрсөтүлгөн өлчөмдө товарларды сатуу бааларын белгилөөгө жана аны колдонуу мөөнөтүнүн ичинде көрсөтүлгөн бааларды жогорулатпоого милдеттенишет.

Соода уюму товарларды сатууда Макулдашуунун тиркемесинде көрсөтүлгөн өлчөмдө чекене бааларды белгилөөгө жана Макулдашууну колдонулуп жаткан мезгилинде көрсөтүлгөн бааларды көтөрбөөгө милдеттенет.

Аталган продукцияларды КР аймагындагы соода түйүндөрүндө сатуу Макулдашууда белгиленген чекене баалар боюнча жүргүзүлөт.

Кыргыз Республикасынын Экономика жана финансы министрлиги Макулдашууга кол койгон ишкерлерге көрсөткөн социалдык жоопкерчилиги үчүн ыраазычылык билдирет.

Көрсөткөн социалдык жоопкерчилик үчүн Макулдашууга кол койгон ишкерлерге ыраазычылык билдирет

 

 

Фото www

Бизди Телеграм каналыбыздан окуңуз
Ой-пикир кошуңуз


Наверх