Тышкы иштер министрлиги Иран менен Израилди мындан ары аскердик аракеттерден алыс болууга чакырат
"Биз тараптарды жаңжалды тынчтык жолу менен чечүүгө чакырабыз"
Кыргызстандын Тышкы иштер министрлиги Иран менен Израилдин ортосундагы чыр-чатактын курчушуна байланыштуу чоң кооптонуусун билдирди. Бул тууралуу Тышкы иштер министрлигинин билдирүүсүндө айтылат.
Тышкы иштер министрлиги тараптарды бүткүл Жакынкы Чыгышта кырдаалды туруксуздаштырууга алып келе турган мындан аркы согуштук аракеттерден баш тартууга чакырат.
«Кыргыз Республикасы тараптарды эл аралык укуктун жалпы таанылган принциптерине жана нормаларына, биринчи кезекте БУУнун Уставына ылайык тынчтык жолу менен чечүүгө дагы бир жолу чакырат», — деп айтылат билдирүүдө.
Эске сала кетсек, 13-апрелден 14-апрелге караган түнү Иран Израилдин аймагына учкучсуз учактар менен жана ракеталык чабуулду жасаган. Маалымат каражаттарынын маалыматына караганда, Ислам Республикасы 185 учкучсуз учак, 36 канаттуу ракета жана 110 жер-жер ракетасын колдонгон. «The Telegraph» буталардын арасында авиабазалар, аэродромдор, аскер-деңиз базалары жана премьер-министр Беньямин Нетаньяхунун резиденциясы болгонун кабарлады.
"Чындык убада" операциясы 1-апрелде Израилдин аба күчтөрүнүн Сириядагы Иран консулдугун бутага алып, Ислам революциясынын сакчылар корпусунун жогорку даражалуу офицерлерин өлтүргөн Дамаскка жасаган соккусуна жооп болду.
Ошол эле маалда Тегеран чабуулду улантуу ниети жок экенин белгилеп, бирок Дамасктагы окуялар кайталанса, “катуураак чаралар” көрүлөөрүн эскертти.
Сүрөт: www