Катаал аба ырайынан улам Сингапурга сапар алган учакта 2 адам каза болду
Лондондон Сингапурга жол алган «Боинг 777» үлгүсүндөгү учак тропикалык аба ырайынын кесепетинен Таиланддын борбору Бангокто авариялык конуу жасады
Учакта 211 жүргүнчү жана 18 экипаж болгон. Турбуленттүүлүктөн улам 1 адам каза болуп, 30 адам жарадар болгону айтылды. Алардын көбү башынан жаракат алган. Жүргүнчүлөр учак коноору менен Бангоктогу ооруканаларга жиберилген.
Кийин ал жерден дагы 1 адам каза таап, жыйынтыгында кырсыктын кесепетинен 2 адамдын жаны кыйылган. «Сингапур аба каттамдары» компаниясы жаралангандарга жардам көрсөтүү үчүн атайын топ жиберерин билдирди.
«20-майда Лондондогу "Хитроу" аэропортунан Сингапурга сапар тарткан учак катуу турбуленттүүлүккө учурап, 15:45те Бангокто авариялык конуш жасады.
Жаралангандарга Таиланддагы жергиликтүү органдар менен бирге тийиштүү жардам көрсөтүлүп жатат», - деп айтылат маалыматта. Алдын ала маалыматтарга ылайык, учак 11 миң метр бийиктиктен 3 мүнөттүн ичинде 9 миң метрге ылдыйлаган.
Фото: Reuters