Кыргызстанда 2023-жылы жайында грек-рим, эркин жана кыз-келиндер күрөшү боюнча үчүнчү дүйнөлүк рейтингдик турнир өтөт
UWW Кыргызстанга быйыл дагы бирдей маанилүү чемпионатты өткөрүүнү сунуштады
2023-жылдын 1-июнунан 4-июнуна чейин Бишкекте грек-рим, эркин жана кыз-келиндер күрөшү боюнча 2023-жылдын үчүнчү дүйнөлүк рейтингдик турнири өтө турганын Кыргызстандын Күрөш федерациясы билдирди. Алардын айтымында, Кыргызстандын федерациясынын арызы UWW тарабынан жактырылган.
- Бириккен күрөш дүйнөсү (UWW) 1-июндан 4-июнга чейин грек-рим, эркин жана кыз-келиндер күрөшү боюнча 2023-жылы «Kaba Uulu Kozhomkul & Raatbek Sanatbaev» аттуу үчүнчү дүйнөлүк рейтингдик турнирди өткөрүү боюнча Кыргыз Республикасынын Күрөш федерациясынын арызын канааттандырды, - деп айтылат маалыматта.
Кошумчалай кетсек, федерация өкүлдөрүнүн айтымында, аларга UWW уюмунан 2023-жылы Бишкекте U17 жана U23 жаштар арасында грек-рим, эркин жана кыз-келиндер күрөшү боюнча Азия чемпионатынын уюштуруучусу болуу сунушу да түшкөн. Мындай чоң ишенимге алардын айтымында 2022-жылы Бишкекте 17 жана 23 жашка чейинкилер арасында Азия чемпионатынын ийгиликтүү өтүшү, 2018-жылы чоңдор арасындагы Азия чемпионаты жана 2012-жылы кадеттер арасындагы Азия чемпионаты ийгиликтүү өткөрүлгөнү себеп болду.
фото www