Аалымдар кеңеши паранжы жана сакал үчүн айып пул салуу демилгесине каршы

Кыргызстандын Аалымдар кеңеши депутаттын паранжы жана узун сакал койгондорго айып пул салуу демилгесине байланыштуу кайрылуу жасады. Мекеме исламда сакал сүннөт болуп эсептелерин жана аны таза, тыкан кармоо керектигин билдирди.

«Аврат — бул мусулмандар башка адамдардын алдында жабууга милдеттүү болгон дене бөлүгү. Шариатта аялдарга колун (алаканын), таманын жана бетин (чачынан ээгине чейин) ачык калтырууга уруксат берилет. Калган дене бөлүгү аврат болуп эсептелет жана хиджаб менен жабылышы керек», — деп белгилешти муфтияттан.
Алар ошондой эле аялдарга никаб (паранжа) кийүү милдеттүү эмес экенин, бирок хиджаб парз экенин белгилеген.

«Исламда кийинүү маданиятын жана сакал коюу адептерин агартуу, түшүндүрүү жолу менен чечүү максатка ылайык деп эсептейбиз», — деп айтылат маалыматта.

Эске салсак, буга чейин ЖК депутаты Шарапаткан Мажитова Кыргызстанда бетти жапкан кийим кийүүгө жана узун сакал коюуга тыюу салууну сунуштап чыккан.

Фото www