Бишкектин борборунда жакында муниципалдык мончо ишке берилет
240 орундуу жаңы мончодо бардык заманбап шарттар болмокчу
Бишкекте жакында муниципалдык мончо ишке берилет. Бул тууралуу муниципалитеттин басма сөз кызматы билдирди. Маалыматка ылайык, борбордун мэри Айбек Жунушалиев ири реконструкциядан кийин Жибек Жолу проспектиси, 286 дарегиндеги мончо-ден соолукту чыңдоо комплексин ачуу тапшырмасын берди.
Имарат эки кабаттуу, жалпы аянты 2705,41 чарчы метрди түзөт, 240 орундуу (120 эркек жана 120 аял), буу бөлмөсү, бассейн, гардероб, массаж бөлмөсү, сулуулук салону, эс алуу бөлмөсү, намазкана жана ашкана, мүмкүнчүлүгү чектелген өзгөчө жарандар үчүн лифт, автопарк бар.
Мончо күн сайын эртең мененки саат 8:00дөн түнкү саат 22:00гө чейин иштемекчи.
Фото www
Бизди Телеграм каналыбыздан окуңуз