Дордой базарынын айланасындагы мыйзамсыз унаа токтотуучу жайлар жоюлду
Акырындык менен борбордук көчөлөрдө бардык башаламан унаа токтотуучу жайлар жоюлат
Бишкек шаарында башаламан токтотулган унааларды эвакуациялоо боюнча рейд уланууда. Бул тууралуу Бишкек мэриясынын басма сөз кызматы билдирди.
Маалыматка ылайык, рейдге жол көзөмөлдөө боюнча инспекторлор жана жарандык активисттер катышууда. Күнүгө 8 эвакуатор чыгып, учурда 50дөн ашык унаа убактылуу кармоочу жайда турат.
Рейддин алкагында Дордой базарынын айланасындагы мыйзамсыз унаа токтотуучу жайлар жоюлду.
Муниципалитеттен билдиришкендей, бул багыттагы иштер үзгүлтүксүз улантылып, акырындык менен борбордук көчөлөрдө бардык башаламан унаа токтотуучу жайлар жоюлат.
Фото www
Бизди Телеграм каналыбыздан окуңуз