Кыргызстандыктар марафон боюнча Азия чемпионатында эки медаль утуп алышты
Гонконг марафонуна 16 өлкөнүн эң мыкты спортчулары катышты
Кыргызстандыктар Илья Тяпкин менен Гүлшаной Сатарова Standard Chartered Hong Kong Marathon программасынын алкагында өткөн марафон боюнча Азия чемпионатында ийгиликке жетишишти.
КРнын Жеңил атлетика федерациясынан билдиришкендей, турнирге 16 өлкөнүн эң күчтүү спортчулары катышты.
Гүлшаной Сатарова 02:36.32 жыйынтык менен 2-орунду ээлеп, марафон боюнча Азия чемпионатында күмүш медаль тагынды. Илья Тяпкин болсо 02:18.18 убактысы менен коло медаль тагынды.
«Бул ата мекендик спорт үчүн чоң ийгилик, анткени Гонконг марафону абдан абройлуу жана өтө оор деп эсептелет. Спортчуларыбыздын сыйлыктары бардык жөө күлүктөр үчүн стимул болуп, өлкөдөгү жеңил атлетиканы өнүктүрүүгө шыктандырсын», - деди КРнын Жеңил атлетика федерациясынын башкы катчысы Мелис Надыров.
Фото www