Бишкек шаарындагы унаа жуучу жайлардын биринен ири суммадагы акча уурдалды
28 жаштагы кыз уурулукка шектелүүдө
Бишкек шаарынын оперативдүү кызматкерлери уурулук фактысына шектелген жаранды кармашты.
Маалыматка ылайык, 2023-жылдын 19-ноябрында милиция кызматкерлерине шаардын тургуну кайрылып, 16-ноябрда Ибраимов көчөсүндөгү унаа жуучу жайлардын биринен белгисиз адамдар капчыгын уурдап кетишкенин, капчыктын ичинде 61 миң сом жана 410 доллар болгонун билдирген.
Аталган факты боюнча КРнын Кылмыш-жаза кодексинин 205-беренесинин (Уурдоо) негизинде кылмыш иши козголгон.
Ыкчам-иликтөө иш-чараларынын жүрүшүндө 1995-жылы туулган К.Г. аттуу жаран кармалып , ал убактылуу кармоочу жайга киргизилди.
Учурда кылмыш иши боюнча тергөө иштери улантылып жатат.
Фото WWW
Бизди Телеграм каналыбыздан окуңуз