Ден соолукка оор залал келтирген кылмышкер Ош базарынын аймагында кармалды
Ал видеокөзөмөл камералары аркылуу табылган
Бишкекте ден соолукка оор залал келтирген деп издөөдө жүргөн жаран кармалды.
ИИМдин басма сөз кызматы билдиргендей, 2023-жылдын 21-ноябрында милицияга Фирсов көчөсүндө эркек кишини бычактап, андан соң качып кеткендиги тууралуу маалымат түшкөн.
Аталган факты боюнча КРнын Кылмыш-жаза кодексинин 130-беренесинин (ден соолукка оор залал келтирүү) негизинде кылмыш иши козголгон.
Шектүүнүн өздүгү такталып, издөөгө алынган.
Ошентип, 27-февраль күнү Ош базарынын аймагында видеокөзөмөл камераларынын жардамы менен издөөдө жүргөн Чүй облусунун 1986-жылы туулган Р.Р. аттуу жаран кармалган.
Фото WWW
Бизди Телеграм каналыбыздан окуңуз