Бүгүн Бишкектин үч конушунда суу болбойт
Сууну өчүрүү оңдоо иштерине байланыштуу
Бүгүн, 29-февралда Бишкектин үч конушунда турак жайларга, мектептерге, бала бакчаларга, саламаттыкты сактоо мекемелерине жана башка социалдык, тиричилик жана өндүрүштүк объектилерге таза суу берүү токтотулат.
Борбор калаанын мэриясынын басма сөз кызматы билдиргендей, саат 09.00дөн 20.00гө чейин Ак-Жар, Ак-Бата жана Келечек конуштарында суу жок болот.
Өчүрүү Ак-Жар, Ак-Бата суу алгычтарындагы жана шаардык суу түтүктөрүндөгү оңдоо иштерине байланыштуу.
Фото www
Бизди Телеграм каналыбыздан окуңуз